EU BOTO A FEIJÓO

Porque xa cheira, xa está ben, xa estamos cansas, xa chega.

Porque toca cambiar.

Porque Galicia segue empobrecida, calada, submisa,
emigrante, envellecida, baleirada, periférica, esquecida.

Porque Galicia arde, trafica, dorme, destrúe o seu patrimonio urbano e natural.

Porque seguimos sendo casarío de señoritos, parcela de cayetanos, espolio de francos,
entulleira de minas, plantación de eucalipto, cemiterio de esquecemento.

É hora do aire fresco, os brazos abertos, o investimento sostible, a construción responsable,
a devolución da vida ás aldeas, dos cultivos aos campos, das nenas ás escolas.

É hora de futuro, de traballo digno, de igualdade e progreso.

É hora de botar a Feijóo.